CCTV ફુટેજના આધારે પોલીસે ગુનો નોંધી તપાસ શરૂ કરી
અંક્લેશ્વર વાલિયા રોડ પર આવેલી ગુરુકૃપા રેસ્ટોરન્ટમાં બે દિવસ અગાઉ હોટલના સર્વિંગ સ્ટાફના 3 જેટલા મોબાઈલ ફોનની ચોરી કરી મહિલા તેમજ અન્ય એક પુરુષ પલાયન થઈ ગયો હતો. જોકે આ બંનેની કરતુતો ની પાછળથી હોટલ સંચાલકને થતાં તેઓએ આ અંગે જીઆઇડીસી પોલીસ મથકે ફરિયાદ નોંધાવી હતી. પોલીસે સીસીટીવી ફુટેજના આધારે રૂ.50 હજારની કિંમતના ત્રણ મોબાઈલ ચોરીની ફરિયાદ નોંધી આરોપીઓને ઝડપી પાડવા કવાયત હાથ ધરી છે.
ઉલ્લેખનીય છે કે, થોડા દિવસ પહેલાં પણ નર્મદા એલસીબીએ અંક્લેશ્વરના સ્લમ વિસ્તારમાં દરોડાઓ પાડી ચીલઝડપ કરતી ગેંગની પાંચ મહિલાઓને ઝડપી પાડી હતી. આ ગેંગે બસમાં ચઢી રહેલી મહિલાના પાકીટની ચેઈન ખોલી તેમાંથી 47 હજાર રૂપિયા કાઢી લીધાં હતાં.
રિપોર્ટર, અવિ સૈયદ, અંકલેશ્વર