અંકલેશ્વર ઔદ્યોગિક વસાહતમાં આવેલી રીક્રોન પેનલ કંપનીના સંચાલકો અને કોન્ટ્રાક્ટર વચ્ચેની માથાકૂટમાં કામદારો અટવાયા હતા. કોન્ટ્રાક્ટમાં કામ કરતા કામદારોનો છેલ્લા ચાર મહિનાથી પગાર ન થતા તેઓએ કંપનીના ગેટ બહાર વિરોધ પ્રદર્શન કર્યું હતું. આ અંગે કોન્ટ્રાક્ટરે જણાવ્યું હતું કે કંપની સંચાલકો દ્વારા ચાર મહિનાથી પેમેન્ટ ન ચૂકવતા તેમના દ્વારા પણ કામદારોને તેમનો પગાર આપવામાં આવ્યો નથી. આ ઉપરાંત કંપની સંચાલકો દ્વારા ધાક ધમકી અપાતી હોવાના પણ કોન્ટ્રાક્ટર દ્વારા આક્ષેપ કરવામાં આવ્યા છે. સાથે જ કંપની દ્વારા મંગાવવામાં આવતી ચાનું બિલ પણ બાકી છે. ત્યારે કારમી મોંઘવારીમાં કામદારોનો પગાર ન થતા તેઓ આર્થિક ભીંસમાં હાલતો સપડાયા છે.
આ અંગે કંપની મેનેજમેન્ટ દ્વારા કેમેરા સામે કંઈ પણ બોલવાનો ઇન્કાર કરવામાં આવ્યો હતો. જોકે તેઓ દ્વારા જણાવવામાં આવ્યું હતું કે, કોન્ટ્રાક્ટરના બિલમાં ક્વેરી હોવાથી બિલ રોકવામાં આવ્યા છે આગામી બેથી ત્રણ દિવસોમાં તેની સાથે મીટીંગ કરી રકમની ચુકવણી કરવામાં આવશે.
રિપોર્ટર, અવિ સૈયદ, અંકલેશ્વર